هادو 2 دراري تعطلو على المدرسة ,و قال ليهم المعلم : علاش تعطلتو ؟ قال ليه واحد راه طاحت ليا 10 دراهم , و هو يقول ل تاني: و نتا مالك قال ليه: راه كنت داير رجلي عليها . |
هدا واحد البخيل كان ناعس ا هو يفيق ا مشى يطل على الحانوت هو يلقاه مسروق ا هو يقول الله يخرج هاد الحلمة بخير Réf : 1000 |
ثلاتة ديال لكذابة تلاقاو. قالهم الاول مشيت الغابة وتلاقيت مع واحد السبع وقتلته وقالهم الكذاب الثاني حتي انا مشيت الغابة ولقيت زوج اسبوع وقتلتهم وقالهم الكذاب الثالت اناعرضولي ثلاتة ديال اسبوع وكلاوني Réf : 1001 |
| هدا واحد القواس مشا يتفرج فواحد لمباراة بده لماتش ب20دقيقة مشا يشرب هوا يتمركا لبيت منين رجع مشافوش فاش دارو الاعادة متماركاش Réf : 1002 |
| هدا واحد ناشط مشى عند البقال ...أو قال ليه عندك قنبولة 180 ريال بغيت نضحك مع مالين الدار...جاوبو مول الحانوت...زيد درهم أو شري بوطة صغيرة هجرو ليهم Réf : 1003 |
| دهب ولد الى متجر و يال صاحبه هل عندك سكر اجاب صاحب المتجر نعم تم قال له الولد الله يشافيك |
| واحد لعروبي جا لمدينة أو بدا كايدور أو كا يبان ليه بزاف ديال هاتف عمومي بزاف بزاف ميلي رجع لعروبية سولوه صحابو قالو ليه كيجاتك لمدينا قال ليهم و ما كين اللي دوخني قد واحد عمومي عرفتو شحال عندو ديال الحوانت ؟؟!! |
| قال ليك هدا واحد شرى موطور .. كان غادي بيه في الطريق أو هو يدخل في واحد الدري صغير أو هو يقول الدري : مالك ما كاتشوفش ، جاوبو البركاني : أو مالني زكلتك ؟؟ !! |
| قال ليك هدا واحد لعروبي شرى بورتابل أو هو يديرو في جيبو أو تم غادي ... واحد الشويا لبورطابل بدا كيفيبري أو لعربوبي جبدو مخلوع او لاحو أو قال : ولد لحرام باعو ليا حي !! |
واحد الفكرون أكل فياكرا { دواء يزيد في الوزن } أو هو يولي كنبري |
قاليك سيدي حمد مخاصم مع مرتو لالة فاطيم أو بغا يتصالح معاها مش بغ يدير بحالنا و هي هاديك أو هو يقول ليها : صباح أتاي لمشحر و صباح الدجاج لمحمر و صباح الحوت لمعمر و صباح الكسكسو المفور و صباح وجهك لمنور ... أو هي تجاوبو هي : مساء ميطيشا دايرا طريبيشا ، مساء البوعويد غادي لسويد ، مساء الدنجال بقا فيه الحال ، مساء الخرشوف اللي خليتيه غير كايشوف ، مساء النور على حمادينو البنور |
قاليك هادا واحد الولد ديما كايمشي عند واحد مول الدجاج او تيسولو بشحال هادا بيبي تيجاوبو 150 درهم تيقول ليه بغيتي فيه 10 دراهم تايقول ليه لا لا هي هاديك بقا كولا صباح كايجي عندو واحد النهار هاداك مول الدجاج كعى ميلي جا عندو هاداك الولد سولو بشحال هداك بيبي قال لي 150 درهم أو هو يقول ليه تاخد فيه 10 دراهم او هو يقول ليه يالله أسيدي أراها أو هداك الولد بقا تايشوف فيه أو قال ليه : ما عندكش شي واحد في البنفسجي ؟؟ |
واحد الشفار دخل لواحد الدار أو هو يهز واحد الموس على المرا قال ليها أشنو سميتك قالت ليه حليمة قال ليها صافي ما غاديش نقتلك حيت سميتك بحال سميت لواليدا أو حالف ما نقتل شي وحدة بحال لواليدا أو خو يسول الراجل أشنو سميتك قال ليه بوشعيب والاكين كيعيطو ليا في الدرب حليمة |
